Tez-tez verilən suallar (FAQ)

1. Xidmət haqları hüquqi və fiziki şəxslər üçün fərqlidirmi?

Hüquqi şəxslər üçün qoşulma və abunə haqqı fiziki şəxslərdə olduğu kimi standartdır.

2. Abunəçi balansını (balansında nə qədər pul olmasını) necə yoxlaya bilər?

Abunəçi 159 Məlumat Mərkəzinə zəng etməklə İVR sistemi, saytda şəxsi balans bölməsi vasitəsilə və ya operatorun köməyi ilə balansını yoxlaya bilər.

3. Xidmət haqqını hansı vasitə ilə ödəyə bilərəm?

Internet Onlayn ödəmə, ödəniş terminalları (pay point), Müştəri xidmətləri və diler məntəqələri və ödəniş kartları vasitəsi ilə ödəyə bilərsiniz.

4. TV xidmətinə qoşulma hansı müddətdə həyata keçirilir?

TV qoşulma sifarişin daxil olması və qeydə alınmasından sonra abunəçiyə qoşulma haqda vaxtın təyini ilə həyata keçirilir. Müqavilə imzalanaraq abunəçi TV xidmətinə qoşulur. 

5. Hal-hazırda efir və kabel televiziyasının abunəçisiyəm. Bir nasazlıq çıxdığı halda hara müraciət etmək lazımdır?

Kanalların yayımında hər hansı bir qüsur və ya digər nasazlıq ortaya çıxarsa, Müştəri Xidmətləri Mərkəzlərinə yaxınlaşa və ya 159 nömrəsinə müraciət edə bilərsiniz (zəng pulsuzdur). Müraciətiniz qəbul ediləcək və operativ reaksiya göstəriləcək. 

6. Hüquqi şəxslərin qoşulma şərtləri necədir və abunə haqqı nə qədərdir?

Hüquqi şəxslər üçün qoşulma və abunə haqqı fiziki şəxslərdə olduğu kimi standartdır.

7. Göstərilən texniki servis ödənişlidirmi?

Texniki servis haqqı 10 AZN təşkil edir. Problem şirkət tərəfindən olarsa texniki servis ödənişsiz həyata keçirilir, bunun əksi olan halda abunəçi texniki servisə görə qeyd olunan məbləği ödəyir.

8. Abunəçinin tüneri və ya Cam Modulu xarab olubsa yeni tünerin və Cam Modulun alınması üçün abunəçi nə qədər ödəniş etməlidir?

Rəqəmsal qəbuledicin qiyməti 80 AZN, Cam Modul 70 AZN təşkil edir.

9. Abunəçi istədiyi zaman tarif paketini dəyişə bilərmi?

Aksiya müddətləri xaric olmaqla abunəçi tarif paketini istənilən zaman dəyişə bilər.

10. Tarif dəyişdirilməsi üçün abunəçinin balansında nə qədər ödəniş olmalıdır?

Tarif paketini dəyişmək üçün abunəçinin balansında seçilmiş tarifə uyğun məbləğ olmalıdır.